Димаш Құдайберген бала кездегі видеосын бөлісті (ВИДЕО)
Өнер иесі 1999 жылғы түсірілген архив видеосын бөлісті.
Әнші, Қазақстанның халық әртісі Димаш Құдайберген Instagram-дағы парақшасында жаңа атағы туралы жазды.
Өнер иесі 1999 жылғы түсірілген архив видеосын бөлісті. Онда кештің жүргізушісі Димаш өнер көрсетіп болған соң «Құрметті ағайындар! 2030 жыл деп ойлаңыздар, сіздердің алдарыңызда Қазақстанның халық әртісі Айтбаев Дінмұхамед Қанатұлы өнер көрсетіп жатыр» дейді.
Кейін видео 2023 жылғы 24 қазанға ауысады. Онда әнші Ақордада «Қазақстанның халық әртісі» атағын алғанын көруге болады.
Димаштың өзі бұл атақтың маңызы туралы Дінмұхамед Қонаевтың сөзін мысалға келтіре отырып түсіндірді.