Атырауда қазақ руларын жатқа білетін шетел азаматы тұрады
Атырауда бірлескен компанияның бірінде қызмет ететін Хеймиш Полс Атырауда 2017 жылдан бері тұрады.
Хеймиш Полс қазақтың руларын, этникалық құрамы мен халықтың басқа да ерекшеліктерін жақсы біледі, деп хабарлады turkystan.kz.
AtyrauPress сайтының мәліметінше, ол кіші жүздің барлық руын, оның ішінде 4 тайпа мен 31 ру барын да айтып отыр.
Жергілікті жердегі бірлескен компанияның бірінде қызмет ететін Хеймиш Полс Атырауда 2017 жылдан бері тұрады. Осы уақыт ішінде қазақ халқының салт-дəстүрі мен мəдениеті жайлы көп мағлұмат алған. Бос уақытында қазақ халқының руларын зерттейді екен. Оның айтуынша, бұл ақпарат арқылы өзіне жаңалықтар ашыпты.
Қазақ халқының өз ұлттық киімдерін киіп жүргені оны ерекше қуантады екен. Ол қазақ киімдерінің əсемдігін ерекше атап өтті. Ою-өрнектер көктемнің келуін бейнелейтіндей.
Бұдан бөлек, шетелдіктерге қазақтың ұлттық ойындары мен музыкалық аспаптары да ұнайды. Мысалы, кейіпкеріміз жақында асық пен лəңгі ойнауды үйреніпті. Оның пайымдауынша, асық дəлдікті, ұстамдылықты, тапқырлықты дамытып, дұрыс есептеуді үйретеді. Ал лəңгі ептілікті жетілдіреді.