Қазақстандағы ажырасудың 5 негізгі себебі

Нашақорлар мен зинақорлар отбасын сақтай алмайды.

Мәдениет және ақпарат министрі Аида Балаева еліміздегі ерлі-зайыптылардың ажырасуына себеп болып отырған кесірлі қылық пен әдепсіз әдетті әшкереледі, деп хабарлайды Turkystan.kz.

Министрдің мәлімдеуінше, шаңырақтың шайқалуына 5 себеп түрткі болады.

«Бірінші, маскүнемдік пен нашақорлық. Екінші, ерлі-зайыптылардың біреуінің құмар ойындарға тәуелділіктен зардап шегуі. Үшінші, тұрмыстық зорлық-зомбылық. Төртінші, зинақорлық. Бесінші, отбасын құрған адамдардың көзқарасының сәйкес келмеуі», – деді А. Балаева.