Қазақстан құрамасының жанкүйерлері даниялықтарды таңғалдырды
Қазақстан құрамасының жанкүйерлері Даниямен ойыннан кейін стадионда қоқыс жинап кеткен.
Даниялықтар Қазақстан жанкүйерлеріне таңғалды. Бұл туралы танымал блогер Артур Асқарұлы Instagram-дағы парақшасында жазды, деп хабарлады turkystan.kz.
Видеодан Қазақстан мен Дания арасындағы ойыннан кейін жанкүйерлердің қоқыстарын тазалағанын көруге болады.
Даниялық жанкүйерлердің бірі Қазақстан құрамасында "қолдау ең жоғарғы деңгейде" екенін айтқан.