600 мың теңге: Астанада ЖОО-ға түспек болған азамат алаяққа алданып қалды
Алаяқ өзінің жоғары дәрежелі байланыстарының бар екенін айтып, талапкерді университетке түсіремін деп уәде берген.
Елордада ЖОО-ға түспек болған азамат алаяққа алданып қалды, деп хабарлады turkystan.kz Polisia.kz сайтына сілтеме жасап.
Астана тұрғыны алаяқтың құрбаны болғанын айтып, полицияға арызданған.
Ақшаны алғаннан кейін ол уәделескен жәбірленушімен байланысын үзген. Жедел-іздестіру шараларының нәтижесінде Алматы ауданы ПБ қызметкерлерімен оның жеке басы анықталынып, тағы да осыған ұқсас алаяқтық іске қатысы бар екені белгілі болды.
Аталған фактілер бойынша ҚР Қылмыстық кодексінің 190-бабы бойынша сотқа дейінгі тергеу амалдары жүргізіліп жатыр.