«Енесі келінін аяусыз ұрып жатыр»: Желіде сұмдық оқиғаның видеосы тарады
Енесі мен келінінің арасындағы кикілжің мүлікті бөлуге қатысты туындаған.
Желіде енесі келінін ұрып жатқаны бейнеленген видео тарады. Әлеуметтік желіде бұл оқиға Шымкентте болған деп таралып жүр. Алайда бұл адам шошырлық жағдай Қырғызстанда болған, деп хабарлады turkystan.kz Massaget.kz-ке сілтеме жасап.
Танымал тележурналист Гүлмира Әбіқай Instagram-парақшасында ене мен келін арасындағы жанжал бейнеленген видеоны жүктеді. Кадрда енесі келінін ұрып, шашын тартып жатқаны көрінеді.
Алайда бұл Шымкентте болған жағдай емес. Видео Қырғызстанда түсірілгені анықталды. Енесі мен келінінің арасындағы кикілжің мүлікті бөлуге қатысты туындаған.
Жалал-Абад облысының ішкі істер департаменті 24.kg агенттігіне 16 тамызда 53 жастағы А.Д.-ның Кочкор-Ата қаласындағы ауруханаға жатқызылғанын хабарлады. Кейінірек ол Бургонду ауылында інісінің әйелі мен оның үш қызынан соққыға жығылғаны туралы полицияға арыз жазған. Бұл дерек бойынша сот-медициналық сараптама тағайындалды. Қырғызстан Республикасы Қылмыстық кодексінің «Денсаулыққа жеңіл зиян келтіру» бабы бойынша қылмыстық іс қозғалды.