Шымкентте бір топ жігіт ұрыға білместікпен көмектескен
Келтірілген материалдық шығын көлемі – 400 мың теңге.
Шымкентте бір топ жігіт ұрыға білместікпен көмектескен, деп хабарлады turkystan.kz.
Абай АПБ-ның «102» арнасына жергілікті тұрғын үйінің ауласындағы автотұрақтан мопед ұрланғанын айтып арызданды. Келтірілген материалдық шығын көлемі – 400 мың теңге.
Тәртіп сақшылары аталған жайтты ҚР ҚК-нің 188-бабы (Ұрлық) бойынша тіркеп, шұғыл іздестіру жұмыстарына кірісті.
ІІМ мәліметінше, жедел басқару орталығының көше камераларын тексеру кезінде ұрлық болған маңнан бір топ жігіттің мопед сүйреп шыққаны көзге түсті. Кейін жас жігіт олардан «бұзылған» мотокөлігін жолдың шетіне дейін шығаруға көмек сұрағаны анықталды.