Ақтөбеде мәйітті жерлеуге бара жатқандар жол апатына ұшырады
Оқиға Ақтөбе-Орынбор тас жолының 35 шақырымында болған.
Апатқа ұшырағандар - Мәртөк ауданының тұрғындары. Олар жақынын жерлеу үшін ауыл маңындағы бейітке бара жатқан.
Газель көлігінде болған жолаушылар Ақтөбедегі облыстық жедел жәрдем ауруханасына жеткізілді.
Жол-көлік оқиғасы бойынша қылмыстық кодекстің "Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы" бабы бойынша сотқа дейінгі тергеу басталды.