«Қазатомөнеркәсіпке» жаңа басшы тағайындалды

Мейіржан Юсупов «Қазатомөнеркәсіп» ҰАК» АҚ Басқарма төрағасы қызметіне тағайындалды.

Компания мәліметінше, жаңа басшы 2 қазанда қызметіне кіріседі. Дәл сол күні Ержан Мұқанов директорлар кеңесінің мүшесі - компанияның басқарма төрағасы қызметінен кетеді.

Мейіржан Юсупов - «Экономика және басқару» мамандығы бойынша Таяу Шығыс техникалық университетінің, Лондон экономика мектебінің және Мемлекеттік басқару магистрі дәрежесі бар Гарвард университетінің түлегі.

Ол 2010 жылы корпоративтік Қаржы және қазынашылық департаментінің директоры ретінде Қазатомөнеркәсіпке келгенге дейін әртүрлі лауазымдарда болды. 2015-2020 жылдары Қазатомөнеркәсіптің экономика және қаржы жөніндегі бас директоры қызметін атқарды. Бұл тағайындауға дейін Юсупов «KAZAKH INVEST» Ұлттық компаниясы» АҚ басқарма төрағасы болды.