پاريجگە باراتىن ساياحاتشىلار سانى ازايعان

وتكەن جىلى فرانتسيا استاناسى پاريج قالاسىنا كەلەتىن ساياحاتشىلار سانى 2015 جىلمەن سالىستىرعاندا 1،5 ميللونعا ازايعان، – دەپ حابارلايدى  24.kz ارناسى.

سونىڭ سالدارىنان تۋريزم سالاسىنا 1 ميلليارد 300 ميلليون ەۋرو شىعىن كەلدى. ماماندار بۇل جاعدايدى 2015 جىلى قاراشادا جاسالعان شابۋىلدارمەن بايلانىستىرىپ وتىر.

تۋريزم جونىندەگى ايماقتىق كوميتەت وكىلدەرىنىڭ حابارلاۋىنشا، بىلتىر نەگىزىنەن جاپون، قىتاي جانە رەسەيلىك ساياحاتشىلار سانىنىڭ كەمۋى قاتتى بايقالعان.

ايتا كەتەيىك، 2015 جىلدىڭ 13 قاراشاسىندا فرانتسيا استاناسى مەن ونىڭ ىرگەسىندە بىرنەشە لاڭكەستىك ارەكەت جاسالدى. سالدارىنان 130 ادام كوز جۇمىپ، تاعى 350-دەن استامى جارالانعان. 3 ەكسترەميست فۋتبولدان گەرمانيا جانە فرانتسيا قۇرامالارىنىڭ ويىنى ءوتىپ جاتقان ستاديوندا ءوزىن-ءوزى جارىپ جىبەرگەن. سودىرلاردىڭ تاعى ءبىر توبى ءپاريجدىڭ سولتۇستىك-شىعىسىنداعى ءدامحانالار مەن مەيرامحانالارعا شابۋىلداعان. تاعى 3 لاڭكەس «باتاكلان» كونتسەرت زالىنداعى ادامداردى تۇتقىنعا الدى. ارتىنشا ەلدە توتەنشە جاعداي ەنگىزىلىپ، بۇل ءتارتىپ ءالى كۇنگە دەيىن ۇزارتىلىپ كەلەدى.

ۇقساس جاڭالىقتار

Back to top button