Алматыда зейнеткерді қызық үшін ұрып-соққан жасөспірімге сот үкімі шықты

Досының бұл әрекетін видеоға түсірген досы да жауапқа тартылды.

Алматыда кәмелетке толмағандардың ісі жөніндегі мамандандырылған ауданаралық сотта зейнеткерді ұрып-соққан жасөспірімге қатысты қылмыстық іс қаралды, деп хабарлайды turkystan.kz Azattyq Rýhy-на сілтеме жасап.

Қылмыстық іс адамдар тобының алдын ала сөз байласу арқылы жасаған бұзақылық фактісі бойынша қаралды (ҚК 293-бабы).

Серуендеп жүрген жасөспірімдер мас болып жерде жатқан адамды байқаған, содан кейін ұрып-соғып, балағат сөздер айтқан. Осы қылмысты жасады деген күдікпен 2007 жылы туған жасөспірім ұсталған болатын. Досының бұл әрекетін видеоға түсірген досы да жауапқа тартылды.

Сарапшының қорытындысы бойынша жәбірленушінің денсаулығына жеңіл зиян келгені анықталды. Сотталушылар өз кінәсін толық мойындады, істеген ісіне өкініп, жәбірленушіден кешірім сұрады. Жасөспірімдердің ата-аналары материалдық және моральдық зиянды өтеді.

"Сотта жәбірленуші сотталушылармен татуласқанын, оларға қандай да бір шағымдар жоқ екенін, осыған байланысты оларды қылмыстық жауаптылықтан босатуды сұрағанын мәлімдеді. Ол кәмелетке толмағандарды кешірді, өйткені олардың заңды өкілдері оған материалдық және моральдық зиян келтірді. Осыған байланысты сот қылмыстық кодекстің 68 - бабының 1-бөлігі негізінде кәмелетке толмаған сотталушыларды қылмыстық жауаптылықтан босатты, іс бойынша іс жүргізуді тоқтатты", - деп хабарлады сотта.

Сот шешімі заңды күшіне енді.