Ерлі-зайыптылардың нотариалдық келісімін бейнеқоңырау арқылы алуға болады

Бүгіннен бастап жаңа қызмет eGov Mobile платформасында қолжетімді.

25 қыркүйектен бастап eGov Mobile қосымшасында ерлі-зайыптылардың нотариалдық келісімін бейнеқоңырау арқылы алу қызметі іске қосылды, деп хабарлады turkystan.kz.

Бұл туралы Әділет министрлігі мәлімдеді.

Әділет вице-министрі Бекболат Молдабековтің айтуынша, бұл жаңа қызмет ерлі-зайыптылардың нотариалдық келісімін ресімдеу процесін анағұрлым жеңілдетеді.

Азаматтар нотариусқа жүгінбей-ақ қажетті келісімді жылдам әрі ыңғайлы түрде ала алады. Процесс биометриялық сәйкестендірудің заманауи технологияларын қолдана отырып, деректердің қауіпсіздігі мен құпиялылығын қамтамасыз етеді.

«Онлайн форматтың артықшылығы – нотариусқа жүгінуге кететін уақыт пен шығындарды үнемдеу, сондай-ақ өзіне ыңғайлы мерзімде алу мүмкіншілігі» - деп атап өтті Бекболат Молдабеков.

Қызметті алу үшін: 6) «eGovMobile» платформасында тіркелу; 7) өтініш нысанын толтыру және биометриялық тексеруден өту; 8) бейнеқоңырау бойынша келісімді ресімдеу; 9) нотариустың қызмет ақысын төлеу керек. 10) нәтижесінде, құжат «Цифрлық құжаттар» сервисінде қолжетімді болады.