Әлеуметтік желіде Астанада көпқабатты тұрғын үйдің 20-қабатынан құлайын деп тұрған 10 жастағы қыз баланың видеосы пайда болды, деп хабарлады turkystan.kz.
Оны күзет қызметкері құтқарып қалғаны белгілі болды. Оқиғаның видеосын astana_brothers Instagram парақшасы жариялады. Бейнежазбаны түсірген куәгердің сөзінше, 20-қабаттың терезесінде кішкентай қыз ілініп тұрған. Жазбада оқиға бүгін сағат 16:00 шамасында болғаны айтылған.
Полиция департаменті бұл жағдайға қатысты түсінік бермеді.