«تسيفرلىق قازاقستان» – جاڭعىرۋ داڭعىلى

حالىقارالىق اقپاراتتىق تەحنولوگيالار ۋنيۆەرسيتەتىندە مەملەكەت باسشىسى ن.نازارباەۆتىڭ بيىلعى قازاقستان حالقىنا جولداۋى تالقىلاندى. «نۇر وتان» پارتياسىنىڭ حاتشىسى فارحاد قۋانعانوۆتىڭ قاتىسۋىمەن وتكەن جيىنعا عالىمدار مەن زيالى قاۋىم وكىلدەرى جانە ينتەليگەنتسيا وكىلدەرى، «نۇر وتان» پارتياسىنىڭ بەلسەندىلەرى مەن ستۋدەنتتەر جينالدى.

العاشقى بولىپ ءسوز سويلەگەن «نۇر وتان» پارتياسىنىڭ حاتشىسى فارحاد قۋانعانوۆ ەلباسى جولداۋىنداعى ماقساتتاردى ءتۇسىندىرىپ، «تسيفرلىق قازاقستان» قۇرۋ بويىنشا الداعى اتقارىلاتىن جۇمىستاردى ايتىپ بەردى.

‒ ەلباسى جولداۋىندا اتاپ وتكەندەي، ەكونوميكانىڭ جاپپاي ساندىق جۇيەگە اۋىسۋى كوپ مۇمكىندىككە جول اشپاق. ۇلت كوشباسشىسى سول سەبەپتى دامۋدىڭ جاڭا كەزەڭىن «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» دەپ بەلگىلەدى. ەلباسى 2012 جىلى 2050 جىلعا دەيىن دامىعان 30 ەلدىڭ قاتارىنا كىرۋدى ماقسات ەتىپ قويسا، بيىلعى جولداۋ – قازاقستاننىڭ الەۋمەتتىك-ساياسي، ەكونوميكالىق جانە تەحنولوگيالىق جاڭعىرۋىن قاراستىراتىن 2050 جىلعى ستراتەگياسىنىڭ تىكەلەي جالعاسى. مەملەكەت باسشىسى نۇرسۇلتان نازارباەۆ جولداۋىندا ۇكىمەتكە وسىعان دەيىنگى باعدارلامالاردان اسىپ ءتۇسۋى ءتيىس «تسيفرلىق قازاقستان» باعدارلاماسىن جاساپ شىعارۋدى تاپسىردى. ونداعى ماقسات – تۇرعىنداردىڭ ءومىر ءسۇرۋ ساپاسىن جاقسارتۋ، تسيفرلىق جۇيەنى دامىتۋ ارقىلى ەلىمىزدىڭ ەكونوميكاسىنىڭ باسەكەگە قابىلەتتىلىگىن ارتتىرۋ. جالپى العاندا، 2020 جىلعا دەيىن اۋداندار مەن اۋىلداردى قوسقاندا، عالامتور پايدالانۋشىلارىن 78 پايىزعا دەيىن ارتتىرۋ جوسپارلانۋدا. تسيفرلىق ەفير حابارلارىن تاراتۋ بويىنشا حالىقتىڭ 95 پايىزىن قامتۋ جانە تۇرعىنداردىڭ 80 پايىزىنىڭ تسيفرلىق ساۋاتتىلىعىن ارتتىرۋ كوزدەلۋدە، – دەيدى فارحاد قۋانعانوۆ.

حاتشىنىڭ ايتۋىنشا، قازىر ەلىمىز دۇنيەجۇزىلىك ەكونوميكالىق فورۋمنىڭ رەيتينگىسىندە عالامتور قولدانۋشىلارىنىڭ سانى بويىنشا 72 پايىز كورسەتكىشپەن 41-ورىنعا شىعىپ وتىر. قازاقستان اقپاراتتىق-كوممۋنيكاتسيالىق تەحنولوگيالاردى دامىتۋ دەڭگەيىنىڭ حالىقارالىق رەيتينگىندە رەسەي، يتاليا جانە تۇركيا سياقتى ەلدەردىڭ الدىنا شىعىپ 39-شى ورىنعا قول جەتكىزدى. رەسپۋبليكامىزداعى مەملەكەتتىك قىزمەتتەردىڭ 77% الدەقاشان اۆتوماتتاندىرىلعان. ولاردىڭ 760-تان استامىن ونلاين-رەجيمدە، سونىڭ ىشىندە 80-ءنىن سمارتفوننىڭ كومەگىمەن الۋعا بولادى. قازاقستاننىڭ ەلەكتروندىق ۇكىمەتىنىڭ موبيلدىك قوسىمشاسىنىڭ تاياۋدا عانا يننوۆاتسيالىق شەشىمدەردى ەندىرۋ سالاسىنداعى «First World Govtechineers Race-2017» بەدەلدى سىيلىعىن يەلەنۋى وسىنىڭ ناتيجەسى بولىپ تابىلادى.

الداعى ۋاقىتتا عالامتور ساپاسى مەن جىلدامدىعى بويىنشا قالا مەن اۋىل اراسىنداعى كەلەڭسىزدىكتەردى ازايتۋ ءۇشىن 2019 جىلعا دەيىن 2 ميلليوننان اسا تۇرعىنى بار 1300 اۋىلدى ايماق وپتيكالىق-تالشىق جەلىلەرىمەن جابدىقتاۋ كوزدەلگەن. سونداي-اق، جىل سوڭىنا دەيىن 4G ستاندارتتى ينتەرنەت ەلىمىزدىڭ بارلىق اۋدان ورتالىقتارىنا ەنگىزىلمەك. وعان قوسا، 5G بەسىنشى بۋىن ستاندارتىن ەنگىزۋ ماسەلەسى دە قارالىپ جاتىر. سونىمەن قاتار، جيىنعا قاتىسقان «نۇر وتان» پارتياسى الماتى قالالىق فيليالى ءتورا­عاسىنىڭ ءبىرىنشى ورىنباسارى جۇلدىز وماربەكوۆا جاستارعا: «ەلباسى بولاشاق جاستاردىڭ قولىندا ەكەنىن ءجيى ايتادى. قازاقستان بۇگىندە اركىمگە قاي سالادان بولماسىن مول مۇمكىندىك تۋعىزىپ وتىرعان ەل. سوندىقتان تسيفرلىق قازاقستانعا قول جەتكىزۋ ءۇشىن جاستارعا ارتار ءۇمىت زور»، ‒ دەدى.

ۇقساس جاڭالىقتار

Back to top button