17 жыл бойы туған ағасында құлдықта болған апалы-сіңлілі қыздардың ендігі тағдыры не болмақ?
Көпшілік олардың ендігі тағдыры не боларына алаңдаулы.
Түркістан облысында туған ағасы 17 жыл бойы еңбек құлдығына жеккен Назгүл бен Құндыздың оқиғасы жұртшылықты бейжай қалдырмады. Көпшілік әлі де олардың ендігі тағдыры не боларына алаңдаулы. «Көреміз» бағдарламасының жүргізушісі Руслан Өтепбай қыздардың қазіргі жағдайы туралы айтты, деп хабарлады turkystan.kz.
Бағдарлама жүргізушісінің айтуынша, қыздар енді Алматыда емделеді. Қазір олар қауіпсіз жерде күн кешіп жатыр.
Айта кетейік, еңбек құлдығына түскен қыздар 17 жыл ішінде адам танымастай өзгерген. Ағасы Cәулебек Әбілдаев оларға былтырдан бері ресми түрде қамқоршы болған. Қыздардың жағдайы туралы бағдарламаға сыныптастары келіп, айтып берген еді.
Апалы-сіңлінің жағдайын халыққа жеткізген сыныптасына үй берілгенін жазған болатынбыз.