Павлодарда ер адам 1-сыныпта оқитын екі қызды алдап алып кетпек болған

Павлодарда мас күйдегі ер адам бірінші сынып оқушыларын мектеп аумағынан алып кетпек болған, деп хабарлады turkystan.kz.

Pavlodarnews.kz сайтының мәліметінше, бұл туралы оқушы қыздардың анасы дабыл қақты.

Әлеуметтік желіде тараған видеода Кенжекөл жалпы білім беретін орта мектепте оқитын 1-сыныптың екі қызын ішімдік ішкен ер адам үйіне алдап, ертіп кетпек болғаны айтылады.

Қызының болашағына алаңдаған ана ертең оны мектепке жібермейтінін мәлімдеді.

Сонымен қатар ол облыс әкімінен, Кенжекөл әкімдігінен және Білім басқармасынан аталған мәселені шешуді, әрі жіті назарға алуды сұрады.

Осы оқиғаға қатысты Кенжекөл әкімдігі пікір білдірді.

Сонымен қатар, ер адамға қатысты тергеу басталатынын мәлімдеді.

Ал полицейлер аталған оқиғаға қатысты әзірге мәлімдеме жасамады.