Атырауда достарымен бірге балық аулауға кеткен ер адам өлі табылды
Ақпаратты Атырау облысы Полиция департаменті растады
Атырауда із-түзсіз жоғалған алты баланың әкесі өлі табылды, деп хабарлады turkystan.kz aikyn.kz сайтына сілтеме жасап.
Мүрденің табылғанын Атырау облысы Полиция департаменті растады.
Еске сала кетсек, бұған дейін Ербол Құсайынов есімді Атырау қаласының тұрғыны достарымен бірге балық аулауға кетіп, үйіне оралмағаны хабарланған еді.
Іздестіру жұмыстарына Атырау облысы Полиция департаменті, Төтенше жағдайлар департаменті және Ұлттық ұланның 80 сарбазы мен кинология бөліністері және сүңгуірлер жұмылдырылды. Қосымша дрон да қолданылды.