Ең төменгі жалақыны көтеру оң өзгерістерге алып келеді – Еркін Әбіл
Депутаттың айтуынша, ең төменгі жалақы мөлшері 85 мың теңгемен шектелмейді.
Мәжіліс депутаты Еркін Әбіл Мемлекет басшысы Қасым-Жомарт Тоқаевтың 1 қыркүйек күні Қазақстан халқына «Әділетті мемлекет. Біртұтас Ұлт. Берекелі қоғам» атты Жолдауындағы негізгі бастамалар мен нақты тапсырмалар жайлы пікір білдірді.
Қасым-Жомарт Тоқаев Қазақстан халқына Жолдауында елдегі ең төменгі жалақы көлемі 85 мың теңгеге дейін көтерілетінін мәлімдеді. Бұл өзгеріс 2024 жылдың 1 қаңтарынан бастап күшіне енеді. Парламент Мәжілісінің депутаты өз тарапынан жалақыны есептеуге байланысты бірнеше ұсыныс білдірді.
Депутаттың айтуынша, ең төменгі жалақы мөлшері 85 мың теңгемен шектелмейді.
Сондай-ақ ол Қазақстандағы инфляция жалақы деңгейімен тікелей байланысты емес екенін айтады.