عىلىم اكادەمياسىنىڭ 70 جىلدىعى تويلانۋدا

بۇگىن ەلىمىزدەگى  ۇلتتىق عىلىم اكادەمياسىنا جەتپىس جىل تولۋىنا وراي سالتاناتتى سەسسيا باستالدى، دەپ حابارلايدى 24.kz ارناسى.

ارنايى شارا ءۇشىن الماتىعا ەلىمىزدىڭ جانە شەتەلدىڭ بەلگىلى اكادەميكتەرى ات باسىن ارنايى بۇردى. ءبىلىم مەن عىلىمنىڭ ءداۋىرى ءجۇرىپ تۇرعان تۇستا بۇل سالانىڭ ماڭىزى زور. سول سەبەپتى اكادەميكتەردىڭ باسىن قوسقان الاتاۋ بوكتەرىندەگى جيىنعا ەلباسى نۇرسۇلتان نازارباەۆ قاتىسادى دەپ  جوسپارلانىپ وتىر. اكادەميا ۇجىمى، ءبىلىم مينيسترلىگى بۇل شاراعا دايىندىقتى بىرنەشە ايدان بەرى جۇرگىزىپ كەلەدى.

وننان اسا ەلدىڭ عىلىم اكادەميالارىنىڭ پرەزيدەنتتەرى، بەلگىلى قوعام قايراتكەرلەرى، جەتەكشى اكادەميكتەر مەن عالىمداردىڭ باسى اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا بىرىكپەك. Əڭگىمە  əلبەتتە بۇگىنگى عىلىمنىڭ جاي-كۇيى جونىندە بولماق. قازاقستاندا وسى سالانى سەرپىندى دامىتۋعا عىلىم اكادەمياسىنىڭ ءرولى دە سارالانباق.

ەلىمىز يننوۆاتسيالىق جانە تەحنولوگيالىق تابىسقا جەتۋ ءۇشىن بىزگە ەلدىڭ عىلىمي-تەحنيكالىق الەۋەتىن ارتتىرۋ، عىلىمنىڭ باسىم باعىتتارىن دامىتۋ، جەتىستىكتەرىمىزدى وندىرىسكە بەلسەندى تۇردە ەنگىزۋگە جاعداي جاساۋى قاجەت. بۇل – مەملەكەت باسشىسى جۇكتەگەن مىندەتتەر.

ال ۇلتتىق عىلىم اكادەمياسىنىڭ باستى ماقساتى – تىنىمسىز عىلىمي ىزدەنىسكە، الدىڭعى قاتارلى ءبىلىم الۋعا، ءبىزدىڭ قوعامىمىزدى رۋحاني دامىتۋعا بارىنشا دەن قويۋ. ءبىر سوزبەن ايتقاندا، اكادەميا ارقالاعان جۇك جەڭىل ەمەس. الەمدىك قارجى داعدارىسىنىڭ قيىن قىسپاعىنا قاراماستان،  قازاقستان عىلىمدى قارجىلاندىرۋدى ءبىر ساتكە دە توقتاتقان ەمەس، كەرىسىنشە ۇلعايتىپ كەلەدى. اسىرەسە گەولوگيا، مەتاللۋرگيا، حيميا، مەديتسينا، اۋىل شارۋاشىلىعى سالالارىنا باسىمدىق بەرىلگەن.

وسىعان وراي ەل ەكونوميكاسىنا تىكەلەي ىقپال ەتەتىن عىلىم سالاسىنىڭ كەمەل كەلەشەگى تالقىلاناتىن تاريحي ساتكە مەملەكەت باسشىسى نۇرسۇلتان نازارباەۆ قاتىسادى دەپ جوسپارلانعان. سونداي اق سەسسيادا شەتەلدىك عىلىم اكادەميالارىنىڭ دەلەگاتسيالارى ءسوز سويلەپ، شارانىڭ سوڭى مەرەكەلىك كونتسەرتكە ۇلاسادى دەپ كۇتىلىپ وتىر.

ۇقساس جاڭالىقتار

Back to top button