Мәжілісмендер Алматыда құмар ойындарға тәуелділік мәселесін талқылады

Мәжілісмендер Алматыда құмар ойындарға тәуелділік мәселесін талқылады

Мәжілістегі «АМАNАТ» партиясы фракциясының жетекшісі Елнұр Бейсенбаев, Мәжіліс депутаттары Бақытжан Базарбек пен Ермұрат Бапи Алматыға жұмыс сапарымен барды. Олар «АМАNАТ» партиясы сайлауалды бағдарламасының Жол картасының жүзеге асырылу барысымен және Алматы қаласының әлеуметтік-экономикалық даму жағдайымен танысты.  Мәжілісмендер бұдан соң «AMANAT» партиясының Алматы қалалық филиалының кезекті XXXIV конференциясына қатысты. Онда партияның 2023-2027 жылдарға арналған сайлауалды бағдарламасын орындау бойынша Жол картасының іске асырылу барысы туралы баяндама жасалды. Сондай-ақ Алматы қалалық филиалы мен «Жастар рухы» жастар қанатының 2021 жылдан 2023 жылдың І жартыжылдығына дейінгі кезеңде атқарған жұмыстары туралы есебі тыңдалды. Сапар соңында Елнұр Бейсенбаев «Қалқаман» метростанциясының құрылысымен танысты. Бүгінгі күні метрополитеннің үшінші кешенін іске қосу бойынша құрылыс жұмысы белсенді жүріп жатыр. «Қалқаман» метростанциясын салу жобасы Алматы қаласы бойынша «AMANAT» партиясының сайлауалды бағдарламасының 2.3-бөліміне енгізілген.