Маңғыстаулық егіншілерге мемлекеттен қолдау қажет

Маңғыстаулық егіншілерге мемлекеттен қолдау қажет

 Мәжіліс депутаты Еділ Жаңбыршин Маңғыстау облысы Қарақия ауданында егінмен айналысатын шаруа қожалықтары иелерімен кездесті.

Қарақия ауданында 416 шаруашылық болса, оның 41-і егінмен айналысады. Маңғыстаулық егіншілер бәрін өсіруге дайын, тек мемлекеттен қолдау керек дейді. Бүгінгі кездесуге келген егіншілер осындай ұсыныстарын жеткізді.

Қарақиялық диқандар жеміс-жидектер мен көкөністер өсіреді. Бұл орайда осы салаға қолдауды арттырса деген ниетте.

– Азық-түліктің 70-80 пайызы сырттан келеді. Соған қарамастан диқандар Қарақия ауданында егін егіп, түрлі өнім алып отыр. Олардың ұсыныс-пікірлерін, уәждерін тыңдап, мәселелерін көзбен көрдік. Енді шешу жолдарын бірге қарастыратын боламыз, – деді Е.Жаңбыршин.