Дәрігерлер «Қазақстан» шахтасында зардап шеккендердің жағдайы туралы айтты

Дәрігерлер «Қазақстан» шахтасында зардап шеккендердің жағдайы туралы айтты

«АрселорМиттал Теміртау» АҚ Көмір департаментінің «Қазақстан» шахтасында болған өрттен зардап шеккен алты адам ауруханаға жатқызылды. Дәрігерлер олардың жағдайы туралы айтты, деп хабарлады turkystan.kz. «Қазақстан» шахтасында зардап шеккен екі адам Мақажанов клиникасына жеткізілді. Қабылдау бөлімінің дәрігерлері науқастардың жағдайын тексерді. Алдын ала диагноз – шахта газдарымен жедел ингаляциялық улану, оның ішінде ауыр көміртегі тотығымен улану, токсико-гипоксиялық энцефалопатия, уытты бронхит. Олар реанимация бөлімшесіне жатқызылды», – деді токсикология бөлімшесінің меңгерушісі, Қарағанды облысының бас штаттан тыс токсикологы Сәуле Смағұлова. Қарағанды облысы әкімдігі баспасөз қызметінің мәліметінше, зардап шеккендердің төртеуі Шахтинск орталық ауруханасына жеткізілген. Оларға алғашқы көмек көрсетілді. «АрселорМиттал Теміртау» АҚ тау-кен сегменті атқарушы директорының орынбасары Сергей Огайдың айтуынша, тағы бес қызметкер бес құтқарушы бөлімшесімен іздестірілуде. Іздестіру жұмыстарын шахта ішіндегі қатты түтін қиындатып жатыр. Хабарланғандай, 17 тамызда сағат 10:05-те Д6 көмір көлбеуін (көкжиек – 170 м) өндіруде конвейер таспасы өртенді. Оқиға болған кезде жер астында 227 адам болды, оның 222-сі жер бетіне көтерілді. Төтенше жағдайға байланысты шахтада жедел штаб құрылды. «КӘАҚҚ» РШМ және ТЖД қызметкерлері жұмыс істеп жатыр.