Атыраулық каратэші ТМД елдері ойындарында жүлдегер атанды
Атыраулық каратэші ТМД елдері ойындарында жүлдегер атанды
Атыраулық каратэші Әбілмансұр Батырғали ТМД елдері ойындарының күміс жүлдегері атанды, деп хабарлады turkystan.kz.
Атырау облыстық Дене шынықтыру, спорт және туризм басқармасының баспасөз қызметінен мәлім еткендей, қазақстандық каратэшілер табысты өнер көрсетті.
«Беларусь Республикасындағы Могилев қаласында өтіп жатқан ТМД елдерінің II ойындарында атыраулық каратэші Әбілмансұр Батырғали бақ сынады. Ол ел намысын 75 келі салмақта қорғап, күміс медальға ие болды», - деп хабарлады басқарманың баспасөз қызметі.
Әбілмансұр Батырғали – әлемге енді таныла бастаған жас спортшы. Әлемнің бірнеше елінде өткен халықаралық додаларда топ жарған.
Мәселен, жастар арасында өзінің мықты спортшы екенін дәлелдеп, әлем чемпионы атанған.
Кейін ересектер арасындағы Азия чемпионатының күміс жүлдесін иеленген. Осындай табысы үшін карате-додан халықаралық дәрежедегі спорт шебері атанған.