Алматылық жүкті әйел ойын алаңында баланы ұрып тастады

Алматылық жүкті әйел ойын алаңында баланы ұрып тастады

Алматылық әйел ойын алаңында ойнап жүрген қызын абайсызда қағып кеткен көршісінің сегіз жасар ұлын соққыға жыққан. Бұл туралы Алматы қаласының балалар омбудсмені Халида Әжіғұлова мәлімдеді, деп хабарлады turkystan.kz Ulysmedia.kz сайтына сілтеме жасап. Оқиға 9 тамыз күні болған. Әйелдің сөзіне қарағанда, ұлы қыздан бірден кешірім сұрап, екеуі ойнай берген. Алайда қыз бұл туралы анасына айтқан. Әйел баланың анасына жүгінудің орнына оны ауладан тауып алып, ұрып-соғады. Бала ауруханаға жеткізілді, медициналық сараптама басы мен денесінің басқа бөліктерінің жарақатын растады. Баланың ата-анасы учаскелік полиция қызметкеріне телефон соғып, арыз жазған. Алайда, ананың айтуынша, учаскелік полиция қызметкері баланы сот-медициналық сараптамаға жібермей, әкімшілік іс қозғаған. Кейінірек ата-аналарға өтініштері қаралмағаны туралы СМС хабарлама келген. Уәкіл Халида Әжіғұлова учаскелік полиция қызметкерінің салғырттығы мен кәсібилігінің төмендігіне наразылығын білдірді, мүмкін олар құқық бұзушыны жазадан босатуға тырысқан. Айта кетейік, баланы ұрып-соққан әйел жекеменшік балабақшада тәрбиеші болып жұмыс істейді және жүктілік кезеңінде. Халида Әжіғұлова қалалық кәмелетке толмағандар ісі жөніндегі комиссияға шағымданып, істі түрлі құзырлы органдар бақылауға алған. Іс тергеуге қайтарылып, бала сот-медициналық сараптамаға жіберілді.