Астанада Абай күніне орай шығармашыл жастармен кездесу кеші өтті

Астанада Абай күніне орай шығармашыл жастармен кездесу кеші өтті

«AMANAT» партиясы жанындағы «Жастар Рухы» Жастар қанаты Абай күніне орай шығармашыл жастармен кездесу кешін ұйымдастырды. «Абай – дана, Абай – дара қазақта» атты іс-шара Астанадағы Қаламгерлер алеясында өтті, деп хабарлады turkystan.kz.  «10 тамыз – Абайдың туған күні. Мен Абайға тек бір  күн емес, осы тамыз айын түгелдей арнау керек деп ойлаймын. Бізге бұл еш уақытта артық болмасы шын. Осындай шаралар арқылы Абайды айтып қана қоймай, мектепте, оқу орындарында арнайы пән ретінде енгізуді міндеттеу керек. Оның әр сөзін, әр өлеңін талдап оқу жастардың рухын көтерері сөзсіз. Оның терең ой тұңғиығына үңілу әрқайсысымызға парыз деп ойлаймын. Абай дана екенін әр азаматтың, әр тұлғаның жүрегіне орнықтыру керек. Ал ұлы ойшылдың өмір жолына ерекше зерттеу жасау – өз алдына бір ғылым», – дейді абайтанушы ғалым Алмахан Мұхаметқалиқызы. Аталмыш кешке мектеп оқушылары мен студенттер де келіп қатысты.