Адам миына зиян өнімдер

Адам миына зиян өнімдер

Салмаққа ғана емес, жалпы денсаулыққа, сонымен қатар мидың жұмысына теріс әсер ететін тағамдар бар. Ендеше өзіңізді когнитивтік функциялармен байланысты мәселелерден қорғау үшін бұл өнімдер туралы білгеніңіз артық болмас, деп хабарлады turkystan.kz Eat this, no that порталына сілтеме жасап. Көптеген адам жасы ұлғайған сайын ойлау процесінде белгілі бір қиындыққа тап бола бастайды. Сондықтан бұл мәселені ерте жастан шешу жолдарын іздеу қажет. Кейбір тағамдарда токсиндер көп, бұл қан айналымына кедергі келтіруі мүмкін. Қуырылған тауық Әрине, қуырылған кез келген тағам дәмді. Оны басқа пайдалы дүниемен ауыстыру оңай емес. Бірақ мамандар қуырылған тауық етін көп тұтыну зиян екенін айтады. Бір зерттеу қуырылған тағамды көп тұтыну когнитивті проблемалардың артатынын көрсетті. Бірақ бұл өнімнен бас тарта алмасаңыз, тауықты қуырудың орнына қайнатып көріңіз. Хот-дог Бірқатар зерттеу ультра өңделген ет ми денсаулығына теріс әсер ететінін көрсетті. Қайта өңделген етті көбірек жейтін адамдардың белгілі бір сынақтарды (тест) тапсыру қабілеті төмен болады екен. «Өкінішке қарай, құрамында нитраттар, нитриттері бар ет, мысалы, хот-догтар, ветчина және дели еттері Альцгеймер және Паркинсон сияқты нейродегенеративті аурулардың, сондай-ақ онкологиялық аурулардың, жүрек-қан тамырлары ауруларының және қант диабетінің қаупін арттырады», – деп бөлісті дәрігер Бренесен. Пончик Бұл тағам көбімізге таныс. Өте дәмді, бірақ оның миға тигізетін зиянын тіпті бағалай алмайсыз. Бұл тағамның құрамында қант өте жоғары, бұл когнитивті функцияларға теріс әсер етеді. Сонымен қатар пончиктер де қуырылған, сондықтан бұл өнімді пайдалануды айтарлықтай шектеу қажет.