73 жастағы ұлытаулық саяхатшы әлемді жаяу араламақ
Қазақстандық саяхатшы Сәрсенбай Қотырашов Жер шарын жаяу араламақшы, деп хабарлады turkystan.kz.
Qazaq Geography ұйымы таратқан мәліметке сенсек, 2 тамызда белгілі қазақстандық саяхатшы Сәрсенбай Қотырашов дүние жүзі бойынша жаяу саяхатын Атыраудан бастайды.
Ақсақал Қазақстан – Ресей – Грузия – Түркия – Болгария – Сербия – Венгрия – Австрия – Германия – Франция – АҚШ – Қытай – Моңғолия – Ресей – Қазақстан бағыты бойынша саяхаттауды жоспарлап отыр.
Есеп бойынша, сапар 2 жылға созылады, ол турды 2025 жылдың тамызында аяқтауды көздеп отыр.
Ыңғайлы болу үшін маршрут бірнеше кезеңге бөлінген.