Алматыдағы базар маңында оқушы қызды жүк көлігі қағып кетті (ВИДЕО)

Алматыдағы базар маңында оқушы қызды жүк көлігі қағып кетті (ВИДЕО)

25 шілде күні Алматыдағы базар маңында оқушы қызды жүк көлігі қағып кетті. Қыздың отбасы жолдың рұқсат етілмеген жерінен өткен, деп хабарлады turkystan.kz.  Көлік қағып кеткен 15 жасар қыз Алматы қаласындағы Балалар жедел медициналық жәрдем орталығына шұғыл түрде жатқызылған. «Бала жол апатынан зардап шекті: қызды Солтүстік айналма жолының бойында жүк көлігі қағып кеткен, соққының салдарынан қыз бірнеше метрге ұшып кетіп, басы асфальтқа тиген. Қабылдау бөлімінде клиникалық-зертханалық зерттеулер мен мамандардың консультациясы жүргізілді», - делінген Алматы Денсаулық сақтау басқармасының хабарламасында. Дәрігерлердің айтуынша, қыз жабық бас сүйек-ми зақымын алған, миы шайқалған, қол-аяғы жарақаттанған. Қазір ол Балалар жедел медициналық жәрдем орталығының нейрохирургия бөлімінде ем алып жатыр.