Шымкентте субұрқаққа батып кеткен бала көз жұмды

Шымкентте субұрқаққа батып кеткен бала көз жұмды

Шымкентте 10 жастағы бала фонтанға батып кетті, деп хабарлады turkystan.kz Шымкент қаласы ТЖД баспасөз қызметіне сілтеме жасап.

Қайғылы оқиға 24 шілдеде сағат 19:30 да болған.

Шымкент қаласы Қаратау ауданы Н.Назарбаев даңғылында орналасқан субұрқақта 2013 жылғы ер бала суға шомылып жүріп, оқиға орнында қайтыс болған. Жеткіншек ата-анасының қарауынсыз қалған. Қазіргі таңда Полиция департаменті сот медициналық сараптама жасады, - дейді ведомство.

Қала аумағында суда жаппай демалу, туризм және спорт үшін 5 ресми орын белгіленген, оның үшеуіне шомылуға рұқсат етілген. Суға шомылуға рұқсат етілмеген, тыйым салынған 13 орын белгіленген.

Жалпы, департамент тарапынан әкімшілік құқықбұзушылық туралы кодекстің 412-бабы бойынша су пайдалану қағидаларын бұзған 11 адамға 132 825 теңге айыппұл салынды, ал Полиция департаментінің тарапынан 364-бап бойынша 12 адамға ескерту берілген. Осы кодекстің 440-бабы бойынша 4 адамға 37700 теңге айыппұл салынған, - дейді Төтенше жағдайлар департаменті.