Олимпиадаларда спортшылар неге төмен нәтиже көрсетті? – Министрлік түсіндірді

Олимпиадаларда спортшылар неге төмен нәтиже көрсетті? – Министрлік түсіндірді

2000-2021 жылдар аралығында Олимпиада ойындарында ұлттық құрама спортшылары жеңіп алған лицензия саны 111-ден 98-ге дейін қысқарған, деп хабарлады turkystan.kz ҚазАқпаратқа сілтеме жасап. «Есеп комитеті аудитінің қорытындысы бойынша, 2000-2021 жылдар аралығында Олимпиада ойындарында ұлттық құрама командалар жеңіп алған лицензия саны 111-ден 98-ге дейін, оған қатысатын спортшылар 130-дан 97-ге дейін төмендеген. Ал жалпы, жеңіп алынған орындар санынан алтын және күміс медальдар 0%-ға дейін кеміді. Атап айтқанда, алтын 43%-дан, ал күміс медаль жалпы жүлде санының 57%-ынан 0%-ға дейін төмендеді. Бұл ретте 2018-2020 жылдары спорттың барлық түрін дамытуға 646 млрд теңге бөлінді. Қаражаттың 72%-ы спорттың ел үшін басымдығы мен маңызын есепке алмай бағытталды» деп жазылған Мәдениет және спорт министрлігі жариялаған реттеушілік саясаттың консультативтік құжатында.