Қазақстандық таэквондошылар Түркияда өткен турнирде 15 медаль алды
Қазақстандық таэквондошылар Түркияда өткен турнирде 15 медаль алды
Түркияның Анкара қаласында таэквондодан Turkish Open G-2 халықаралық турнирі өтті. Оған Қазақстан жасөспірімдер құрамасы қатысты. Бұл туралы федерацияның баспасөз қызметі мәлімдеді, деп хабарлады turkystan.kz.
Турнирдің «алтынын» Батырхан Тілеуғали жеңіп алды.
Алтыншаш Ыдырыс, Абдолла Әбілқасым, Димаш Нұрқожаұлы, Аяулым Сапаралиева, Еркебұлан Еңсегенов, Теміржан Тасқын күміс жүлдегер атанды.
Қола жүлдені Аида Тәукенова, Рамина Таирова, Әлібек Нұрғазы, Ерболат Хасан, Нұрасыл Қуандық, Әділ Тілеуғабылов, Нұрай Қазнабек, Әнуар Махамебкәрімов иеленді.