Рудный қаласындағы жылу желілерін қайта жаңартуға 4 млрд теңге бөлінді – AMANAT

Рудный қаласындағы жылу желілерін қайта жаңартуға 4 млрд теңге бөлінді – AMANAT

Осы аптада Мәжіліс төрағасының орынбасары, «AMANAT» партиясы фракциясының мүшесі Альберт Рау Рудный қаласында болып, жылу желілерін жаңғырту барысымен танысты. Сондай-ақ ол «ССКӨБ» АҚ ЖЭО, «Рудный су арнасы» ЖШС және «Рудный жылу желілері» ЖШС еңбек ұжымдарымен кездесті деп хабарлады turkystan.kz.

«AMANAT» фракциясының мүшесі Альберт Рау Рудный қаласында 2023-2027 жылдарға арналған «Халықпен бірге!» сайлауалды бағдарламасын орындау жөніндегі Жол картасының жүзеге асырылу барысын тексерді.

«Рудныйдың жылу желілерін жаңғырту жұмысына арналған алғашқы 4 млрд теңгені бөліп қойдық. Жұмыс жүріп жатыр. Арнайы келіп, соған көз жеткіздім. Бұл жұмыс алдағы жылы да жалғасып, тағы 4 миллиард теңгеден астам қаражат бөлінеді. Бюджетті қыркүйек-қазан айларында қарастырамыз. Алдағы екі-үш жылдың жоспары әзірленді. Оның ішінде, Қашар кентін сумен жабдықтау және бірқатар орамішілік желілерді жаңғырту жұмысы да бар», – деді Альберт Рау.