"Gracenote" ساراپشىلارى: 2018 جىلعى وليمپيادادان قازاقستان جۇلدەسىز قايتادى

الەمگە ايگىلى «Gracenote» ستاتيستيكالىق اگەنتىگى 2018 جىلى پحەنچحاندا (وڭتۇستىك كورەيا) وتەتىن قىسقى وليمپيادا ويىندارىندا قاي ەل قانداي ورىن الاتىنىن بولجادى. بۇل جونىندە  Vesti.kz-كە سىلتەمە جاساپ Nur.kz حابارلادى. 

اگەنتتىكتىڭ بولجامىنشا، قازاقستاندىق سپورتشىلار جۇلدەلى ورىننان كورىنە المايدى ەكەن. وڭتۇستىك كورەيا جەرىندە نورۆەگ سپورتشىلارى جالپىكوماندالىق ەسەپتە ءبىرىنشى ورىن الاتىن كورىنەدى. ساراپشىلار سكانديناۆيا تۇبەگىنىڭ وكىلدەرى بۇل دودادا 15 التىن 11 كۇمىس 14 قولا مەدال ەنشىلەيدى دەپ توپشىلاپ وتىر. سونداي-اق العاشقى ۇشتىككە گەرمانيا (13 التىن 11 كۇمىس 10 قولا) مەن اقش (10 التىن 11 كۇمىس 11 قولا) قۇرامالارى ەنەدى دەپ بولجانىپ وتىر.

اگەنتتىكتىڭ ساراپتاۋى بويىنشا قازاقستاندىق سپورتشىلار جۇلدەلى ورىننان كورىنە المايدى ەكەن. وڭتۇستىك كورەيا جەرىندە نورۆەگ سپورتشىلارى جالپىكوماندالىق ەسەپتە ءبىرىنشى ورىن الاتىن كورىنەدى. ساراپشىلار سكانديناۆيا تۇبەگىنىڭ وكىلدەرى بۇل دودادا 15 التىن 11 كۇمىس 14 قولا مەدال ەنشىلەيدى دەپ توپشىلاپ وتىر. سونداي-اق العاشقى ۇشتىككە گەرمانيا (13 التىن 11 كۇمىس 10 قولا) مەن اقش (10 التىن 11 كۇمىس 11 قولا) قۇرامالارى ەنەدى دەپ بولجاعان.

2018 جىلعى قىسقى وليمپيادا فرانتسيا قۇراماسى ءۇشىن تابىستى بولادى دەپ بولجاندى. ساراپشىلار فرانتسۋز قۇراماسىنىڭ جەتىستىگىن مارتەن فۋركاد (بياتلون) پەن ماري دورەن-ابەر (بياتلون) ەسىمىمەن بايلانىستىرىپ وتىر.

«Gracenote» ستاتيستيكالىق اگەنتىگى 2018 جىلعى وليمپيادادا 29 ەلدىڭ سپورتشىلارى جۇلدەگەرلەر قاتارىنان كورىنەدى دەپ توپشىلاۋدا (سوڭعى ءۇش وليمپيادادا تەك 26 ەلدىڭ سپورتشىلارى جۇلدەگەر اتانعان). ال بۇل قاتاردا قازاقستان قۇراماسى جوق. سونداي-اق سوچي وليمپياداسىندا جۇلدە العان حورۆاتيا مەن ۋكراينا ەلدەرى دە جۇلدەسىز قالادى دەپ بولجانعان.

پحەنچحانداعى ءححىىى قىسقى وليمپيادا ويىندارىنا ءالى ءبىر جىلداي ۋاقىت بار. بۇل ارالىقتا ستاتيستيكالىق اگەنتتىك بىرنەشە رەت ءوز بولجامدارىن جاڭارتاتىن بولادى.

ەسكە سالا كەتەيىك، ريو وليمپياداسى الدىندا «Gracenote» قازاق سپورتشىلارى 4 التىن 3 كۇمىس 9 قولا مەدال جەڭىپ الىپ، جالپىكوماندالىق ەسەپتە 23-ورىن الادى دەپ بولجاعان ەدى. برازيليا جەرىندە قازاق سپورتشىلارى 3 التىن 5 كۇمىس 9 قولا مەدال ەنشىلەپ، جالپىكوماندالىق ەسەپتە 22-ورىننان كورىندى.

ۇقساس جاڭالىقتار

Back to top button