2 шілдеде бірқатар өңірде аптап ыстық болады
2 шілдеде бірқатар өңірде аптап ыстық болады
Қазгидромет синоптиктері 2 шілде, жексенбіге арналған ауа райы болжамын жариялады деп хабарлады turkystan.kz.
Атмосфералық фронттардың әсерінен ҚР батысында, солтүстік-батысында, оңтүстік-батысында, қиыр шығысында найзағай жарқылдап, жаңбыр жауады.
Күндіз бұршақ жаууы мүмкін, дауыл тұрады, түнде және таңертең - тұман.
Ал республиканың қалған аумағында - жауын-шашынсыз ауа райы, елдің оңтүстігінде - шаңды дауыл.
Қызылорда, Жамбыл, Алматы, Ұлытау, Жетісу облыстарының басым бөлігінде, Қарағанды, Қостанай облыстарының оңтүстігінде, Түркістан облысының кей аудандарында қатты ыстық болады.
Түркістан, Маңғыстау, Жамбыл облыстарының басым бөлігінде, Ақтөбе, Қарағанды, Қостанай, Алматы, Ұлытау, Жетісу облыстарының оңтүстігінде, Қызылорда облысының батысында, шығысында, Атырау облысының шығысында, солтүстігінде төтенше өрт қаупі бар.
Қызылорда облысының орталығында, Абай облысының солтүстік-батысында, оңтүстігінде, Алматы, Солтүстік-Қазақстан, Жетісу облыстарының басым бөлігінде жоғары өрт қаупі сақталады.