Қара шоколадтың сіз білмейтін пайдалы қасиеті

Шоколадтың психикалық белсенділікті арттырып, тіпті есте сақтау қабілетін жақсартатынын білесіз бе? Бұдан өзге де пайдалы қасиеті көп. Егер бұл өнімді жақсы көрсеңіз, қара шоколадты таңдағаныңыз жөн. Қара шоколадтың құрамында флавоноид көп. Ол –  қабынуға қарсы және антиоксидантты әсері бар өсімдік тектес арнайы заттар. Шоколадты жегеннен кейін флавоноидтар ішке сіңіп, қан плазмасына 30 минуттан кейін енеді. Олардың максималды концентрациясына шамамен 2-3 сағаттан кейін жетеді.               Флавоноидтар қалай жұмыс істейді? Бұл заттар миға еніп, мидың перфузиясы стимуляциясын тудырады (қанмен қамтамасыз ету). Олар, сондай-ақ, ангиогенезді (жаңа қан тамырларының пайда болуы), нейрогенезді (нейрондардың пайда болу процесі) және оқуға, есте сақтауға қатысатын нейрондардың морфологиясының өзгеруіне жағдай жасайды. Денедегі мұндай өзгерістер мидың жұмысын және есте сақтау қабілетін жақсартады. Адам ақпаратты тезірек есте сақтай бастайды. Түрлі мәселелерді тез шешеді және маңызды ақпаратты есіне түсіреді. Шоколадтың мұндай пайдалы қасиетін бір рет жеген кезде де, ұзақ уақыт тұтынғанда да байқауға болады.                   Шоколад көңіл күйге қалай әсер етеді? Қара шоколад мидағы эйфория сезімін тудыратын опиат рецепторларымен байланысатын эндорфиндердің, гормондардың өндірісін арттырады. Содан кейін адамның көңіл күйі көтеріледі. Бұл жағдай ұзаққа созылмайтыны рас. Шоколад допамин деңгейін жоғарылатады, бұл да жақсы көңіл күй үшін қажет. Шоколад, сонымен қатар, анандамидтің негізгі тағамдық көзі. Ол табиғи затты «бақыт молекуласы» деп те атайды. Өйткені ол адамның қанағат сезімін тудырады. Шоколадтың миға әсері Қара шоколадтағы антиоксиданттар – флавоноидтар адамның есте сақтау қабілетін, зейінін жақсартады. Бұл өнімнің ми белсенділігіне әсері жас және егде жастағы адамдарда да байқалады. Гарвард медициналық мектебінің ғалымдары екі кесе ыстық шоколад жеу миға қан ағынын 2-3 сағатқа арттыратынын анықтады. Нәтижесінде мидағы қан айналымының жоғарылауы психикалық белсенділікті тездетеді және адам мәселені тезірек шешеді. Сондай-ақ бұл өнімнің ақыл-ой жұмысына да оң әсері байқалған.                    Қара шоколад күйзелісті жеңілдетуге көмектеседі Шоколадта магний көп. Ол кортизолдың бөлінуін тежейді, осылайша күйзелістің алдын алуға көмектеседі. Магний – мазасыздық пен күйзеліске пайдалы маңызды диеталық минерал. Ол есте сақтау қабілетін, адамның зейінін, көңіл күйін, ұйқысын және күйзеліске төзімділігін жақсартады. Магний біздің денемізде өздігінен өндірілмейді. Оны сырттан аламыз. Ал бір қара шоколадта адамның күнделікті магний қажеттілігінің жартысы бар. Ішектегі пайдалы бактериялардың санын көбейтеді Шоколадтың ерекше артықшылықтарының бірі –  ішектегі дәрілік бактериялардың санын көбейтеді. Осыдан қара шоколадтың миға да, ішекке де пайдасы бар екенін білуге болады.                                Қара шоколадты қалай таңдауға болады? Дәрігерлер мен диетологтар 70% қара шоколад сатып алуға кеңес береді. Пайыз мөлшері плиткада қанша какао бұршағының ингредиенті бар екенін білдіреді. Алайда шоколадтың ащы дәмін ұнатпасаңыз, 50% - дан бастап, біртіндеп пайыздық мөлшерін көбейтіп көріңіз. Нағыз пайдалы қара шоколадтың құрамында бірнеше ингредиент бар. Оларға какао мен қант немесе тәттілендіргіш жатады. Пайдалы шоколад құрамында мыналар болмауы керек: - фруктоза көп жүгері сиропы; - эмульгаторлар; - химиялық қоспалар; - ішінара гидрленген майлар; - жасанды түстер мен хош иістер.  

Дереккөз: The Washington Post