«Сабақтан үш алған»: Білім басқармасы өзіне қол жұмсаған студентке қатысты түсініктеме берді

«Сабақтан үш алған»: Білім басқармасы өзіне қол жұмсаған студентке қатысты түсініктеме берді

«Сабақтан үш алған»: Білім басқармасы өзіне қол жұмсаған студентке қатысты түсініктеме берді
ашық дереккөзі
Ақмола облысы Білім басқармасы сабақтан үш алып, өзіне қол жұмсаған студентке қатысты пікір білдірді деп хабарлайды turkystan.kz. Басқарманың баспасөз қызметінің мәліметінше, қайғылы жағдайға байланысты Ақмола облысы Білім басқармасының 2023 жылғы 24 мамырдағы № 236 бұйрығына сәйкес, жасалған суицид фактісін зерделеу үшін жұмыс тобы құрылып, колледжге жіберілген.
«Колледжде бекітілген кестеге сәйкес 2022-2023 оқу жылының II жартыжылдығында аралық аттестаттау өтіп жатыр. 2023 жылғы 22 мамырда топ кураторымен әңгіме барысында студент мамандық бойынша үшінші емтихан тапсырып, «3» деген баға алды. Сол күні топ старостасы мұғалімге қайта тапсыру күнін белгілеу туралы өтінішпен қоңырау шалды. Онда мұғалім қайта тапсыру мүмкін екенін түсіндірді және емтиханды қайта тапсыру күні мен уақытын басқа нұсқамен белгілеген. Келесі күні кураторға студенттің анасы ұялы телефонға қоңырау шалды. Ол куратордан емтиханды қайта тапсыруға көмектесуін сұрады. Куратор пән бойынша оқытушымен сөйлесіп, онда соңғысы 2023 жылғы 23 мамырда сағат 14.00-ге қайта тапсыруға болатынын айтты. Бірақ көрсетілген күні қайта тапсыруға келген қыз тесттердің басқа нұсқасы бойынша емтихан тапсырудан бас тартып, кетіп қалды», - деді Ақмола облыстық Білім басқармасы.
​Қазір тергеу жүріп жұмыстары жатыр. Оның қорытындысы бойынша тиісті шара қабылданады. Көкшетауда колледж студенті ағылшын пәнінен үш алып, өзіне қол жұмсағаны туралы жазған болатынбыз.