Аманаттықтар ардагерлерді Жеңіс күнімен құттықтады

Аманаттықтар ардагерлерді Жеңіс күнімен құттықтады

9 мамыр — Жеңіс күніне орай «AMANAT» партиясының «Ардагерлерді ардақтайық» жобасы аясында Шымкент қалалық партия филиалының төрағасы Бахадыр Нарымбетов бастаған бір топ халық қалаулысы, партияластар  ардагерлер шаңырағына барды.

Бүгінде Шымкентте үш-ақ соғыс ардагері қалған. Соның бірі - Нина Мосунова. Қария биыл 99-ға келіп отыр. Ол 1942 жылы әскерге өз еркімен аттанып, Казань қаласында телеграфист мамандығын алған. Сонан 1943 жылы Можайск маңындағы соғыста қолына пулемет алып жауға қарсы шыққан. 36 әскери бөлімнің «Зенит» бригадасында қызмет етіп, онда радистер бөлімінің командирі болды. Соғыстан соң кассир, кітапханашы, хатшы-машинистка болған. Қазіргі таңда 2 немере, 5 шөбере сүйіп отыр.

Немере-шөбере сүйіп ғасыр жасап, өмірдің ащы-тұщысын көрген ардагерді партияластар мерекемен құттықтап, батасын алып қайтты.

«Бүгінгі таңда Шымкент қаласында Ұлы Отан соғысына қатысқан үш-ақ ардагер қалды. Ендігі парызымыз көзі тірісінде осы кісілерге барынша қамқорлық жасап, көмегімізді аямау. Сізге Ұлы Жеңіс пен бүгінгі бейбіт күндеріміз үшін алғыс айтамыз», - деді Төраға.

Отан үшін отқа түсіп, қан майданда жеткен жеңісі, бүгінгі бейтіт өмір үшін бас иіп, алғыс білдірді.

Отанын қорғауда қайсарлық пен ерлік көрсеткен шымкенттік майдангер Төлепбергенұлы Мұраталы зұлмат соғысты басынан өткерген бүгінде көзі тірі куәгер.

Айта кетейік, соғыс ардагерінің жағдайы үнемі партия назарында. Тек мереке күні емес, аманаттықтар әрқашан ардагерлеріміздің жағдайын сұрап, көңіл бөліп отырады.