Кремль Владимир Путинге ұшқышсыз ұшу аппараттарымен қастандық жасау әрекеті туралы мәлімдеді деп хабарлады turkystan.kz РФ Президенті баспасөз қызметіне сілтеме жасап.
«Әскери және арнаулы қызметтер радиолокациялық күрес жүйелерін қолдана отырып аппараттарды уақтылы істен шығара алды. Кремль аумағына құлап, сынған дрондардан зардап шеккендер жоқ. Материалдық залал келтірілген жоқ», - деп жазылған хабарламада.
Ресей тарапы мұндай шабуылды Президентке жасалған қастандық деп бағалады.
«Мұны 9 мамырдағы Жеңіс күні қарсаңында, шетелдік қонақтардың қатысуы жоспарланған шеру алдында арнайы жоспарланған террористік акция не Президентке жасалған қастандық деп санаймыз», - делінген хабарламада.
Кремль енді Ресейдің қарсы шабуыл жасауына толыққанды негіз барын атап өтті.
