Оралда жарылыс болған жерден 3 адамның денесі табылды

Оралда жарылыс болған жерден 3 адамның денесі табылды

Қайғылы оқиға 25 сәуір күні сағат 21:00 шамасында Исатай-Махамбет көшесінде болған деп хабарлады turkystan.kz. Алдын ала мәлімет бойынша, жарылыс қалалық мәдениет және демалыс саябағы маңында орналасқан гаражда болған деп жазды "Мой город" порталы. Қазір оқиға орнында полиция мен өрт сөндірушілер жұмыс істеп жатыр. Исатай-Махамбет көшесінің бойы, Абай даңғылынан Ихсанов көшесіне дейін көлік қозғалысы шектелген. БҚО ТЖД баспасөз қызметінен хабарлағандай, бірінші 30 шаршы метр аумақтағы гараж жанған. Кейінірек өрт 42 шаршы метрлік жеке тұрғын үйдің шатырына жайылды. Өрт сөндірушілер гараждан үш адамның денесін тауып, төрт оттегі цистернасын сыртқа шығарды. Өрт 21:31-де оқшауланды, 22:02-де толығымен жойылды. Өрттің себептері мен залалын мамандар анықтайды.