Үйіне гашиш жасырған Талдықорған тұрғыны ұсталды

Үйіне гашиш жасырған Талдықорған тұрғыны ұсталды

Талдықорған тұрғынының үйіндегі жертөледен 2,5 келіге жуық гашиш табылды деп хабарлады turkystan.kz. Polisia.kz-тің мәліметінше, Жетісу полицейлері арнайы операция жүргізіп, нәтижесінде заңсыз айналымнан 2,5 келіге жуық гашиш тәркіленген. Есірткі 46 жастағы ер адамға тиесілі жеке үйдің жерқоймасынан табылды. – Ұсталған ер адам бұрын жауапқа тартылмаған және жақында ғана полицияның назарына ілікті. Рұқсат етілген тінту кезінде оның үйіндегі еден астынан полиэтилен пакетке салынған салмағы 2 келі 478 грамм гашиш табылды. Аталған дерек ҚР ҚК-нің 296-бабының 4-бөлігі (Аса ірі мөлшердегі есiрткi заттарды өткізу мақсатынсыз заңсыз дайындау, қайта өңдеу, иемдену, сақтау, тасымалдау) бойынша тергеу амалдары жүргізіліп жатыр. Күдікті қамауға алынды, – деді Жетісу облысы ПД есірткі қылмысына қарсы іс-қимыл басқармасының бастығы Мұрат Жұмабаев. Жыл басынан бері өңірде заңсыз айналымынан 28 келі түрлі есірткі тәркіленді. Олардың ішінде 21 келіден аса марихуана, 4 келіден аса гашиш және 2 келі 40,59 грамм «синтетика».