Мәжіліс депутаты Асхат Аймағамбетов елдегі медициналық сақтандыру жүйесін сынап, көмекті халыққа барынша қолжетімді етудің жолдарын айтты деп хабарлады turkystan.kz.
"Қазір азаматтарымыз ауруханаға барып, тексеруден тегін өткісі келсе, 1 немесе 3 ай күтуі керек. Ал сол қызметке ақша төлесе, 3 минутта өтеді. Демек, бұл - жасанды проблема.
Мысалы, қазір ауруханалар қаражатты ай сайынғы квота арқылы алады. Мысалы, КТ жасауға айына 10 квота, МРТ істеуге 5 квота беріледі. Егер сұраныс бұдан көп болса, онда дәрігер емделушіні келесі айға жазуға мәжбүр", - деді Аймағамбетов.
Депутат міндетті әлеуметтік медициналық сақтандыру жүйесін реформалап, ай сайынғы қаржыландырудан бас тартуды ұсынды.