Әскери прокуратура суицид жасаған сарбаздардың санын жариялады

Әскери прокуратура суицид жасаған сарбаздардың санын жариялады

Елімізде соңғы төрт жылдың ішінде 90-ға жуық әскери қызметкер суицид жасады. Бұл туралы бас әскери прокурордың орынбасары Мақсат Қазиев мәлімдеді деп хабарлады turkystan.kz Sputnik Қазақстанға сілтеме жасап. Ресми мәліметке сәйкес, 2018-2022 жылдары 86 суицид жасалды. Бұдан бөлек, 20 әскери қызметші өз-өзіне қол салуға тырысқан. Мақсат Қазиевтің айтуынша, бұл елдегі жалпы суцидитің орташа көрсеткішінен төмен. «Құқықтық статистика комитетінің ресми ақпараты бойынша, 2018-2022 жылдары 17 631 суицид фактісі тіркелді және 21 332 адам өз-өзіне қол салмақшы болды. Демек, 10 мың адамның ішінде 9 суицид пен 11 рет өз-өзіне қол салуға тырысу фактісі болған. Жалпы, көрсеткіштің ішінде армиядағы 86 суицид пен 20 суицидке оқталу әрекеті бар. Сонда 10 мың әскери қызметшіге 6 суицид пен 1 оған оқталу фактісі келеді», - деді Қазиев сенатта өткен брифингте. Оның сөзіне қарағанда, 2020 жылдан бері армияда 270 әскери қызметші қайтыс болды. Биыл 11 өлім тіркелді. Әскери қызметшілердің арасындағы өлімнің себептері: аурудан – 36%; жол апатынан – 24%; суицид – 20%.