«Көктемгі егіс жұмыстары аяқталғанша дизель отынының құны өзгермейді. Операторлардың шығындарын есепке алғанда, республикадағы шаруалар үшін орташа баға литріне 204 теңгені құрайды, бұл нарықтағы бағадан 31 пайызға төмен. Көктемгі дала жұмыстарына өңірлерге 419 мың тонна арзандатылған дизель отыны бөлінді, бұл бір жыл бұрынғыдан 19 мың тоннаға артық», – деді министрлік.Бұл ретте, дизель отынының бұрын белгіленген бағасы өзгеріссіз қалғаны атап өтілді. Атап айтқанда, Қазақстан азаматтары жүргізуші куәлігін көрсеткен кезде литрі 295 теңгеден тәулігіне 100 литр сатып ала алады. Жүк көліктері, арнайы, мамандандырылған көліктер мен автобустар үшін, сондай-ақ Қазақстан Республикасында көлік құралын тіркеу туралы куәлікті көрсеткен кезде осыған ұқсас баға бойынша тәулігіне бекітілген лимит 300 литрді құрайды. Қалған санаттағы тұлғалар үшін, сондай-ақ дизель отынын белгіленген лимиттен жоғары сатып алатындар үшін баға литріне 450 теңгені құрайды.
Бензин мен дизель отынының жаңа бағасы бекітілді
Бензин мен дизель отынының жаңа бағасы бекітілді
Елімізде Энергетика министрлігінің бензин мен дизель отынының шектік бағасы туралы бұйрығы күшіне енді деп хабарлады turkystan.kz.
Бұйрыққа сәйкес шекті бағалар:
- АИ-92 және АИ-93 бензиндері үшін литріне 205 теңгеге дейін;
- дизельдік отынға литріне 295 теңгеге дейін.
Жанармайдың кейбір түрлеріне жаңа бөлшек сауда бағасын белгілеу мәжбүрлі шара болып табылады. Бұл елден мұнай өнімдерінің кетуін азайтып, ішкі нарықтың өсіп келе жатқан қажеттілігін қамтамасыз етеді.
Энергетика министрлігі Қазақстанда жанар-жағармай бағасы 2021 жылдың күзінен бері өзгермегенін атап өтті.