73 жастағы зейнеткердің 2,5 млн теңгесін ұрлаған қыз ұсталды

73 жастағы зейнеткердің 2,5 млн теңгесін ұрлаған қыз ұсталды

22 жастағы елорда тұрғыны 73 жастағы зейнеткердің 2,5 млн теңгесін жымқырған деп хабарлады turkystan.kz Polisia.kz сайтына сілтеме жасап. Полицияға алаяқтық фактісі бойынша зейнеткер арызданған. Алматы ауданы ПБ полиция қызметкерлері жедел-іздестіру іс-шараларын жүргізіп, 22 жастағы күдіктіні қолға түсірді. Тергеу барысында қыздың егде жастағы әйелдің үйінде күтуші болып жұмыс істейтіні белгілі болды. «Бірнеше айдың ішінде жәбірленушінің сеніміне кірген қыз зейнеткердің телефоны арқылы банктің мобильді қосымшасына кіріп, өзіне ақша аударған. Ол коммуналдық қызметтерге төлем жасаймын деп, зейнеткердің 2,5 млн теңгеге жуық ақшасын қолды еткен. Аталған факті бойынша сотқа дейінгі тергеу амалдары жүргізілді. Ұсталған күдіктінің өзге де қылмысқа қатысы бар-жоғы тексеріліп жатыр», - делінген хабарламада.