Алматыда бортсерікті балағаттаған екі ресейлік рейстен түсірілді
Алматыда бортсерікті балағаттаған екі ресейлік рейстен түсірілді
Алматы әуежайындағы желілік полиция бөлімінің қызметкерлері Air Astana әуекомпаниясы өкілінің актісі бойынша екі жолаушы рейстен түсірілді деп хабарлады turkystan.kz Polisia.kz сайтына сілтеме жасап.
Екі ер адам Алматы – Астана бағытындағы әуе рейсіне отырғызу кезінде өздерін дөрекі ұстап, бортсеріктерді балағаттаған.
Көлік полицейлері Ресей Федерациясының 34 жастағы екі азаматының мас болғанын анықтаған.
Оларға қатысты ҚР Әкімшілік құқықбұзушылық туралы кодекстің 440-бабы мен 434-бабы бойынша әкімшілік материал толтырылып, 5 АЕК мөлшерінде айыппұл салынды. Ұсақ бұзақылық бойынша материал тиісті шешім қабылдау үшін Алматының әкімшілік құқықбұзушылық жөніндегі мамандандырылған ауданаралық сотына жолданады.