Роналду әлемдік рекорд орнатты

Португалия құрамасының шабуылшысы Криштиану Роналду ұлттық құрамадағы ең көп ойын өткізген ойыншы атанды деп хабарлады turkystan.kz taulik.kz сайтына сілтеме жасап.  2024 жылы өтетін Еуропа чемпионатына іріктеу ойындары аясында Португалия құрамасы Лихтенштейнмен кездесті. 38 жастағы әйгілі футболшы негізгі құрамда алаңға шықты. Бұл - Роналдудың ұлттық құрамадағы 197-ойыны. Осы көрсеткіш бойынша португалиялық сұрмерген әлемдік рекордты жаңартты. Бұған дейін рекорд Бадер Әл-Мутаваға тиесілі болды. Ол Кувейт сапында 196 рет жасыл алаңға шыққан.