Қазақстандық Жәнібек Әлімханұлының (13-0, 8 КО) кәсіпқойдағы келесі қарсыласы анықталды деп хабарлады turkystan.kz vesti.kz сайтына сілтеме жасап.
BoxingScene мәліметінше, орта салмақта WBO чемпионы рингке 13 мамырда оралады.
29 жастағы Әлімханұлының қарсыласы - 27 жастағы канадалық Стивен Батлер (32-3-1, 26 КО).
12 раундтық жекпе-жек бокс кешінің басты айқасы болады. Алайда әзірге оның өтетін орны белгіленген жоқ.
Бастапқыда Әлімханұлы британиялық Лиам Смитпен (33-3-1, 20 КО) жұдырықтасу керек болған. Смит қаңтарда Крис Юбенкті (32-3, 23 КО) нокаутқа түсіріп еді, енді Юбенк келісімшарт бойынша қарымтаны талап етті. Осылайша, ол әзірге Жәнібекпен айқаса алмайды.