Елена Рыбакина Президенттің құттықтауына жауап берді

Қазақстандық теннисші Елена Рыбакина Мемлекет басшысы Қасым-Жомарт Тоқаевтың құттықтауына жауап берді, - деп хабарлады turkystan.kz.  Бұған дейін 23 жастағы спортшымыздың Индиан-Уэллс WTA 1000 турнирінің чемпионы атанғанын жазған болатынбыз. Отандасымыз финалдық кездесуде әлемнің 2-ракеткасы, Беларусь өкілі Арина Соболенконы айқын басымдықпен жеңген. Жарыстан соң Президент Рыбакинаны айтулы жеңісімен құттықтап, ақжарма тілегін білдірді. Спортшы Қасым-Жомарт Тоқаевтың құттықтауын Instagram парақшасындағы Stories-інде бөлісіп, Қазақстанның туы мен жүрек эмодзиін белгіледі. Айта кетейік, осы жеңісінен кейін Рыбакина спорттық мансабында алғаш рет әлемдік рейтингіде жетінші орынға көтерілді.