«Еленаға сенемін!»: Президент Рыбакинаны жеңісімен құттықтады

ҚР Президенті Қасым-Жомарт Тоқаев Елена Рыбакинаны жеңісімен құттықтады деп хабарлады turkystan.kz Мемлекет басшысының желідегі парақшасына сілтеме жасап.

«Индиан-Уэллстегі беделді турнирде жарқын жеңіске жеткен Елена Рыбакинаны @lenarybakina құттықтаймын! Біздің спортшымыз асқан шеберлігін, жеңіске деген мұқалмас ерік-жігерін және спорттағы жоғары мәдениет үлгісін көрсетті. Елена әлемдегі үздік корттарда жаңа жетістіктерге жете береді деп сенемін!» деп жазды Мемлекет басшысы.