Абай облысында Art Sport бағдарламасының жайы талқыланды

Абай облысында Art Sport бағдарламасының жайы талқыланды

Абай атындағы кітапханада Art Sport бағдарламасының жетекшілерімен, оған көшуді жоспарлап отырған жаттықтырушылармен және балалардың ата-аналарымен кездесуі өтті. Бұл кездесуге 100-ден астам адам мәселелерін айтып, бағдарламаға қатысудың жай-жапсарын білді. Кездесуді ұйымдастырушылардың мәліметі бойынша, 2022 жылы облыс бойынша мемлекеттік шығармашылық тапсырыс шеңберінде 4 жастан 17 жасқа дейінгі 1 153 бала үйірмеге қатысты. Мемлекеттік шығармашылық тапсырыс беретін жеткізушілердің жалпы саны – 11, оның 10-ы Семейде және біреуі Ақсуатта. Кездесу барысында ата-аналар мен мұғалімдер бірқатар проблемалық мәселені көтерді. Атап айтсақ, қазірдің өзінде ұйымдарға қатысып, нәтиже көрсетіп жүрген балаларды бағдарламадан шығару, өтінімдерді іріктеу, кезек және бағдарламаның қандай алгоритм бойынша жүргізілетіні сұрақ тудырды. Бұл кездесуге ұйымдастырушылар «AMANAT» партиясынан Абай облыстық мәслихатының депутаттығына кандидат Қуаныш Сүлейменовті шақырды. Ол өз кезегінде мәселені одан әрі шешу үшін Абай облысының «AMANAT» партиясының көмегін ұсынды. «Былтыр Абай облысы мен Шығыс Қазақстан облысының бюджеті бөлінгенде бұл мәселе өзекті болды. Енді Абай облысының бюджетінде қаражат бар. Мамандар айтып өткендей, мәслихаттың әр сессиясында депутаттар қосымша білім беру мекемелері мен жаңадан жасақталған ұйымдарға қаражат сұрайды. Қазір облысымызда аталған мәселелер бірден шешіледі. Өйткені облыс әкімі де, мекемелер де, біз жүгінген депутаттар да балаларымызды қолдаудың қаншалықты маңызды екенін түсінеді. Әрине, Art Sport бағдарламасына қатысы жоқ адамдардың жай ғана ақша алып отырған жағдайлары да болды. Оларды жүйеден алып тастауға тура келді. Мен көтерілген сұрақтарды жеке бақылауға аламын», - деді ол. Абай облыстық мәслихат депутаттарын сайлауда партиялық тізімді ұсынған «AMANAT партиясының сайлау қорының қаражатынан төленді.